معايا الدليل على وجود روح عبدالوهاب مع الفرقه فى اخر بطولتين

روح محمد عبدالوهاب معانا
جمله اتذكرت كتير لكن هى فعلا روحه كانت مع الفرقه او بمعنى اخر ربنا كان بيكرم الفرقه عشان روحه كسبب من الاسباب مع مجهود زمايله

يوم ماتش الصفاقسى انا كان عندى يقين اننا هنفوز عشان خاطر محمد حتى لما الوقت الاصلى خلص كنت متاكده ان الاهلى هيجيب وهيحقق حلم محمد الله يرحمه
المهم دليلى على ان روح محمد كانت معانا فى البطوله دى اكتر من حاجه
اولا الهدف ابوتريكه عمره ما كان اشول اللى كان اشول الله يرحمه هو محمد دا غير ان دى هى نفس نوعيه اهداف محمد والهدف ده يشبه لحد كبير هدفه فى الكروم
ثانيا الكوره قبل ماتوصل لابوتريكه ما اتلعبتش غير من 3 لعيبه شادى ..متعب ..فلافيو ومحمد كان رقمه ايه 3
ثالثا الماتش كان باقى عليه 3 دقايق ويبنتهى لما الجون دخل وبرضه محمد رقمه 3
رابعا دى كانت البطوله 3 للاهلى بعد التعديل وبالتالى الاهلى احتفظ بالكاس ورقم محمد برضه 3
خامسا كلمه ابوتريكه لما قال (بامانه فى ماتش الصفاقسى لما الكوره دخلت الجون شفت صوره محمد عبدالوهاب)

اما فى بطوله كاس العالم انا يوم ماتش انترناسيونالى زعلت جدا اننا خسرنا لاننا كنا الافضل
بس قلت لعله خير وكان خير
على ما اظن وقد يصيب او يخيب
ان ربنا سبحانه وتعالى ادخر لنا المركز رقم 3 رقم اغلى واوفى لاعب
داغير ان الهداف من الاهلى ابوتريكه طبعا بكام جون 3 اجوان برضه رقم محمد
الاهلى اقوى هجوم احرز 5 اهداف ودخل فيه هدفين يبقى الفرق 3 اهداف برضه
محمد عبدالوهاب الله

يمكن اكون صح او اكون غلط بس فى النهايه ياريت كلنا ندعى له بالرحمه
اللهم كن له بعد الحبيب حبيبا ولدعاء من دعا له سامعا ومجيبا واجعل له من فضلك ورحمتك
وجنتك حظا ونصيبا
اللهم يا اكرم من سئل ويا اوسع من جاد بالعطايا خفف احماله وحط من اوزاره واجعله فى مقام
من قام لك بالقران اناء الليل واطراف النهار
الله يرحمك يا محمد